انا الست مصرية
من يومين بعد صلاة العصر
ابني الصغير زعق
وقال ايه مش عايز ابوه فالبيت
والوسطاني عام على عومه
قال لك شرحه
قلت استنوا رايحين فين
رد حسنين
حنمشيه ونجيب سيد سيده
هو يعني فاكرنا عبيده
ناديت لهم حسين
قلت الحقني ده المصيبة بقت اتنين
رد الكبير وقال
عايزة ليه بامرة ايه
ده معرس ومالوش امان
ده عميل للامريكان
لطمت على وشي
وزعقت لحسين
عيب ماتقولش كده على ابوك
من غيره على بطنك حيضربوك
نزلوا وسابوني
وجت حسنية تهدي في
قالت لي ماشاء الله
عيالك كبروا وبقوا رجاله
قلت لها لا وحياتك لسه برياله
ردت وقالت
ياست مصرية ماتبقيش مفترية
ظلمك كتير خليه يغور
رديت عليها
خليك في حالك واطفي عالخبر ماجور
زمان قالوا لنا
اهو اللي تعرفوا احسن ماللي متعرفوش
وهو ضل راجل ولا ضل حيطه
وعيالي نزلوا وعملوا زيطة
سمراء
No comments:
Post a Comment